مسطول سايق اسعاف في الحرب
نقل 35 قتيل ...
سمع بالراديو سقوط 30 قتيل !
وقف وفتح الباب وقال: الخمسه الراكبين حنك ينزلوا
واحدة دنقلاوية سألوها : الدهشة معناها شنو ؟ قالت : بسم الله دي ما ياهو ولد الهُمار !!!
أبكر شغلوا يلم جلود الأضاحي في عيد الضحية ودا شغلوا الوحيد طول السنة قاعد فاضي ما بيشتغل إلا في عيد الضحية .. قالوا ليهو يا أبكر ما تمشي الحج أنت كبرت .. قال ليهم سبهان الله كل ما أنوى الحج يصادف إيد الدهية (عيد الضحية)هههههههههههههههههههههههههههههههههههها
رباطابى قالو ليهو الدابى لمن يعضى زول بخلى سنونو فى مكان العضة، قال ليهم طيب و لو بعد دقيقتين لقى زول تانى و عاوز إعضيو قالو ليهو بتكون قامت ليهو سنون تانى، قال ليهم لي أصلو هو دابى ولا دباســـــــة
-----------------------------
------------------------------
واحد مسطول بصلي تلفونو رنه قام ردا و هو بصلي !قال ليه انت وين ؟
قال في التحيات لله
مسطول قالو ليهو ما هو أصعب موقف مرة بك ؟ قال: موقف الكلاكلات
-----------------------------------
-مسطول سأل اذا اتزوجنا الحور العين نسوانا ديل بودوهم وين ؟؟
رد صحبو : عزاب للكفار
مسطول فتح محل سماه :
بقالة الأقمشة لحلاقة الأحذية الغذائية
رباطابي بيصلي جنبو واحد انصار سنة عفصو في رجلو وقال سد الفرج عشان الشيطان بيدخل بينا
الرباطابي قال ليهو هو الشيطان جاء لحدي هنا ماتخلي يصلي .
مسطول مشى يشارك فى تشيع جنازة .
فى المقابر سأل واحد : المرحوم بيشتغل شنو ؟
قالو : بيشتغل حفار قبور ..
قام المسطول قالو : يا أخى من حفر حفرتا لاخيه وقع فيها .
رباطابى ببيع خرفان .
واحد من المشترين . بعد مارفع الخروف فى العربية قال للرباطابى : يا أخى
وين القش حق الخروف ؟
قام الرباطابى قال ليه . قش ؟ اصلو انا بعته ليك مكيف ؟