منتديات قرية المكابرابية
***** مرحبا بكم في منتديات قرية المكابرابية *****
****حللتم أهــــــلا ونزلتـــــــم سهلا ****
إذا كنت زائرا نرجو تشريفنا بالتسجيل
الإدارة
منتديات قرية المكابرابية
***** مرحبا بكم في منتديات قرية المكابرابية *****
****حللتم أهــــــلا ونزلتـــــــم سهلا ****
إذا كنت زائرا نرجو تشريفنا بالتسجيل
الإدارة
منتديات قرية المكابرابية
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات قرية المكابرابية

منبر الأهل والأحباب
 
الرئيسيةأحدث الصورالتسجيلدخول
جميل أن نتحرى الحق والأجمل ألا ندّعيه·***********************جميل الاحساس بالقومية والأجمل أن تجد لها صدى في سلوكياتنا·
جميل أن نطلع على ثقافات الآخر والأجمل أن يصبح لثقافتنا مقعد دائم بين الثقافات************** جميل أن نحب الحياة والأجمل ألا نتناسى الرحيل وأبدية الخلود!**************************جميل إحساس الصداقة والأجمل أن نحسن الاختيار·*******************************جميل أن نتقدم بالنصيحة للآخر والأجمل أن نقدمها لأنفسنا******************جميل أن تطلب مساعدة الآخر والأجمل أن تحقق لنفسك الكفاءة الذاتية
المواضيع الأخيرة
» نعـــى أليـــم
الشاعر بشرى البطانة  I_icon_minitimeالخميس مارس 06, 2014 3:18 pm من طرف حنان العوض

» علمتنى مراره الابتلاء .............!!!!
الشاعر بشرى البطانة  I_icon_minitimeالأحد سبتمبر 15, 2013 8:22 pm من طرف عمر مجذوب

» دخول المنتدي بذكري الحبيب محمد صلي الله عليه وسلم
الشاعر بشرى البطانة  I_icon_minitimeالأحد سبتمبر 15, 2013 8:18 pm من طرف عمر مجذوب

» عبر عن شعورك فى هذه اللحظه
الشاعر بشرى البطانة  I_icon_minitimeالجمعة مارس 29, 2013 8:33 pm من طرف عبدالله داقوي

» اليوم نرفع راية استقلالنا
الشاعر بشرى البطانة  I_icon_minitimeالأربعاء مارس 20, 2013 3:21 pm من طرف حنان العوض

» ماهي المكابرابية؟
الشاعر بشرى البطانة  I_icon_minitimeالسبت فبراير 16, 2013 2:06 am من طرف عبدالله داقوي

» المكابرابيه(القلعه والتحتانية)
الشاعر بشرى البطانة  I_icon_minitimeالخميس فبراير 14, 2013 2:27 am من طرف عبدالله داقوي

» المرأه في المحميه والمكابرابيه خاصه
الشاعر بشرى البطانة  I_icon_minitimeالخميس ديسمبر 13, 2012 6:52 pm من طرف حنان العوض

» المحمية الماضي العريق والحاضر الغريق
الشاعر بشرى البطانة  I_icon_minitimeالسبت نوفمبر 24, 2012 3:46 pm من طرف كمال الزين


 

 الشاعر بشرى البطانة

اذهب الى الأسفل 
2 مشترك
كاتب الموضوعرسالة
عكرمة دياب
المشــــرف العــــــام
المشــــرف العــــــام
عكرمة دياب


عدد المساهمات : 606
تاريخ التسجيل : 27/05/2010
العمر : 36

الشاعر بشرى البطانة  Empty
مُساهمةموضوع: الشاعر بشرى البطانة    الشاعر بشرى البطانة  I_icon_minitimeالأحد يناير 02, 2011 10:45 pm

[
size=24]سنتعرف على هذا الشاعر من خلال هذا اللقاء [/size]

الشاعر بشرى البطانة  33558_480130432323_552842323_7392704_3549174_n
وانا بشرى ابراهيم محمد علي .. من ولاية كسلا .. حلفا الجديدة قرية
قريقس
من مواليد قريقس عام 1977 .. مراحلي التعليمية متوسط خشم القربة ، الثانوي حلفا الجديدة ، جامعة الجزيرة هندسة حاسوب وقريبا جامعة النيلين ( اداب لغة عربية ).


الشاعر بشرى ياريت تاخذنا الي بداياتك الشعرية ؟

بداياتي تحديدا كانت عام 97 ميلادية
وكانت بتقول ..
يا الماشي البلد بديك ليهو وصية
بشرى الموت ختاهو
اتلحتو بنية
الشافعة القبيل خليتها منقة ونية
نجضت قلبي وقلتهو قلية

هذا اول بيت شعر قمت بكتابته.

3- مع انك الان نلت شهرة ومازلت فهل لك ديوان شعر؟

والله انشا الله في مشروع ديوان وكانت فكرتي اولا الذهاب بشعري حتى يسلك الطريق القويم وينال حظه من الجمهور
لكن في الفترة المضت قمت بتسجيل شريط كاسيت بعنوان ( ام شوايل) وهذا اتجاه وجدت قبولا وايضا سهل الهضم لدى الجميع .
لانو مفرداتنا نحن من لايجيد قراتها تصعب عليه مصطلحاتنا.


5- سمعنا اثناء حضورنا الامسية المقامة في الصالون الادبي بأن لك جوائز من مشاركة سابقة فياريت تحدثنا عنها؟؟

الجوائز دي توفقت فيها وربما يكون الحظ لاعب كبير
فزت في برنامج نجوم الغد واحرزت المركز الاول وبعدها كان لي دور في الاسابيع الثقافية في عامين متوالية المركز الاول
وايضا جائزة سباق المبدعين احرزت المركز الاول ..وايضا برنامج سحر القوافي وهذا برنامج انا افخر به لانو كرمني فيه رئيس الجمهورية
وذلك بقصيدة عيد ميلاد بهذا الشكل الذي تراه.. وايضا مسابقة سوق عكاظ نلت فيها الدرجة الاولي . وهذا ماتذكرته .

الاستاذ بشرى ربما يكون الاعلام ساهم في سطوع نجمك وابراز شعر البطانة من خلال تجربتك ولكن لانظلم شعراء البطانة الذين ضجت بهم الساحة ولكن لانو الاعلام كان ضئيل ولم يصل اليهم وهذا ماجعل شهرتهم في مساحة محدودة.. اذن كيف تري مستقبل شعر البطانة؟

زي ماقلت ليك انا ( محظوظ ) وبرضو ( شويطين )
وللبطانة فرسان اجلاء ورجال لانقلل من دورهم وما زلنا نحفظ لهم الكثير وهم ذروة سنامنا وقوتنا ومنطلق عهدنا..
وانا ربما اكون من جيل النت وجيلي المعاي او رفاقاي ساهموا عبر النت توصيل مايمكن من شعر البطانة
ولنا صفحة عبر الاسفير اسمها( بطانة الخير ) قمنا بها انا وصديق حميم اسمه مهدي ومازلنا .

طيب بمن تأثرت من الشعراء القدامى؟

نعم هناك شعراء ولدينا اعجاب واعجابي دوما ( بالصادق ود امنة )

ماالذي اضافه لك شعر البطانة.؟

كيف ياخي شعر البطانة اضاف لي الكثير
والمفردة ذاتها مفردة شعر البطانة مفردة جذابة جدا جدا
ثانيا : شعر البطانة شعر مؤدب
وشعراء البطانة تاجهم العفة
وشعر البطانة يكاد تفيض بما فيها من إبداع يصدر
عن صدق و يعبر عن هموم المجتمعات السودانية ، تعبيرا أصيلا .
ذلك جهد و جهاد.

ماذا يمثل لك الشعر؟

الشعر بالنسبة لي زاد وحياة ونحن نهواه من صغرنا ونتسم به في حياتنا ويبقي رفيقا لنا مدى الدهر
نسامره ويسامرنا حتى تغيب النجوم والكل ينام ..

- ياريت تحدثنا عن قصيدة عيد ميلاد هل لها واقع ام خيال؟؟

نعم هذا سؤال كثيرا مايواجهني
والواقع فقط في بدايتها في العزيمة
ولكن اذا انا تخيلت اني جاي بكامل هندامي الافرنجي وعيد ميلاد في احياء الخرطوم الراقية
مااظن يكون للقصيدة مدى ..

هل قصيدة عيد ميلاد سبب شهرتك؟

نعم هي البوابة وربما اختلطت في بيئتين واصبحت مرغوبة في المحافل ولعلك شاهدت من يطلبونها في الاسبوع الثقافي كل يوم.

عرفت ان لك تجارب في الغربة ؟

نعم كنت في المملكة العربية السعودية لمدة سبعة اشهر
وبعد ذلك قررت العودة ورصيدي منها قصيدة اليك منها هذا النموذج
..
السيتوها فيْ بعد المكانا العالية
ضاقت الواسعة مسخت علي الحالية
اوهمتونا بي بقة شلتت بالية
اغريتونا بكروشا ملانا بزاليا
الشككني في نفسي واحار سؤالي
انا يا الليلة ماشفت لي طرحة تلألي
ماشفت القدل لافح تويبوا العالي
والاسكيرتوا الا تشوفوا فوق بنغالي

اهدافك اخي بشرى في شعر البطانة من امل مرتجي؟

انا همي كلو ان يصل شعر البطانة لكل سوداني اولا ولعل في قصصيدة بوش الخزين ادخلت الدوبيت في الشعر العامودي
ولهذا وجدت الدوبيت لايجد قبولا عند البعض وهذه عن تجارب.

هناك من المهتمين بشعراء البادية رؤيتهم في شعر البطانة انه يمر باازمة؟

جائز ويمكن تكون الازمة حتمية او فرضية لانو اذا كان الشعر اختلافوا الغالب فهو نفس الغالبونفس المواضيع
يبقي الاختلاف في المفردة والمفردة التي يستخدمها البعض الان عاطلة ومامستخدمة سؤا كان المتلقى او الشاعر.

اخيرا وليس اخيرا
نجي لهوايات بشرى ؟

والله انا مرضان كرة وهلالابي علي السكين
الخلاني دايما بفتخر بنفسي
عربي وزل بطانة وديما شابح حسي
توب ناس الشرق حاويني وتب متكسي
وهلالابي والله العظيم لانصي .

امنية خاصة .
اولا الاماني كثيرة واهمها تطوير نفسي علميا
وتوصيل رسالتي في شعر البطانة
ليس للشهرة ولكن من اجل ان ينعم به كل سوداني .

امنية عامة .

اتمنى وحدة السودان
اخيرا بتقول شنو للمغتربين

والله مايطولوا حتى لو هناك ما اجبر
عليكم السعي للبديل في الوطن .

هذا هو الحوار الذي داربين جبارة محمد أحمد والشاعر بشرى منقول من منتديات كسلا
لكم التحية
الرجوع الى أعلى الصفحة اذهب الى الأسفل
https://mkabrabia.yoo7.com
عكرمة دياب
المشــــرف العــــــام
المشــــرف العــــــام
عكرمة دياب


عدد المساهمات : 606
تاريخ التسجيل : 27/05/2010
العمر : 36

الشاعر بشرى البطانة  Empty
مُساهمةموضوع: رد: الشاعر بشرى البطانة    الشاعر بشرى البطانة  I_icon_minitimeالأحد يناير 02, 2011 10:48 pm

هذه ايضا من ابداعات الشاعر بشرى ابراهيم
عندما دعته زميلته الى عيد ميلادها
عيد ميلاد

وانا من زمنا خدو مشلخ
وهى من ازمانا خدها سادة
اتعجبت سماحا مواتر
طبقات عالية وكلها ساده
وكانت بينا فوارق شاسعة
اتعارفنا
وكانت جاده
وقالت عيد ميلادى الشهر الجاى
ولازم تحضروا
قتلها خير
قتلها خيييييييييييييييييييييييييييير
ودخل فى اضافرى
تقصد ايه بى عيد ميلاده؟
ايا ربى اتولدت يا دابا؟
يبقى الاعياد سوها زيادة؟
امكن ولدت وانا ما عارف؟
يمكن ميلاد عيسى واجدادها
يا ربى بدقوا الدلوكة؟؟؟؟؟؟؟؟؟
وبعزموا الحلال كالعاده
بس قتلها خير وانا جاييكم
وعديلة وزين
والشهر الجاى
مرق مركوبى من السحارة
داقاهو المطرة قبل شهرين
ونكت طاقيتى من العضاضةسليتلى ثماد رقعتها زين
سديريتى ابوى مسويها لبد
فرتقت اللبده مرقتها طين
عراقى مغزوز فى الكوكاركان سوهو وقاية وكت فازعين
سروال مدفون فى رهل العيش
ملفوف محشور بين شوالين
لميتن واديتن شطفة
شريتن فووووق فى زريبت الزين
والزين بقراتو مكوفرات تب
مدغن طاقيتى هرنها زييييييييييييييييييييييييييييين
شافتن السرة بت الهراف
طردتن وجابتن لتاف
وغضبت غضب
وعزمت اقوم
جفن ما جفن
اقوم فى الحين
مرقت ووشى مطوطو تب
وصتنى الحلة رجال وعوين
وصتنى ام نوفل لى كركار
كان تلقى ودك جيب لى رطلين
وقروشى حلف صرة وبى خيت
وصتنى حليمة بت العجبين
سروال لى محمد ورطلين بن
بنبيعلنا شي ونديك بعدين
وصانى الهابر لى مركوب
مخلوفة وسرج وكرباجين
عنقريب وموسر بى حبال قد
تيبار ومسلة وابريق طين
والناس بتوصى وغبيانة
والناس غبيانة وبتوصى
وانا ظرفى مكدر زى الطين
وبتوصى وزى بايعلى بعير
وانا بايع تيسى وعيش كيلتين
والتيس اعور ما جابلو سعر
والعيش بتاب ومسوس وشييييييييييييييييين
تتسود ختوة هالسفرة
انا ماشى لواجب اقوم بالدين؟؟؟؟
وركبت الباص مخلاتي دفس
كدوسي وحقتي وعود سكين
وانا راكب في الباص بتأمل
ياربي بجيبو الحكامات
بتسو دلوكة بيجوا الحلال
ضابحين تيران ام خرفان صر
مدققين كمين شوالات عيش
وانا مالي ومال عيد ميلادن
ان نقروا الدلوكة اولادن
انا بنزل حربي ومتعكز
وادارق اصقر في الدارات
وانا معروووووووووف خراب حفلا ت
وامسك صوتي المدهون قطران واركز واندق
شان السمحات ما يقولن ضيفنا قريزن ساكت
ووصل وسعل لامن جيتن
وهداك البيت يرقش لوحات
وصل ولقيت البيت مزرود لاحدو بنات سمحات
شايلات هديات
وحدات وردات
وحدات زهرات
شايلات رسمات في شكل ارنوب
واسودونمور سبحان الله زي الميتات
يضاحكو قر حايشين صينية تبق شمعات
ماف زول قالي انت منو مابعرفو الضيف زي الخواجات
لتيت عكازي وقفت طرف
ملصت نعلاتي اتفرجختا
لي تفه خلالي مضنقلو تب سكيني ملسنه بالجمبات
تبماكي وحُقتي مزرودا ولعتا كدوسي واخد جبدات
وان بتأمل هذا العالم ياتو البنوت وياتو الجنيات
وبحرت عيني لامن برقن
كل البنوت زيها سمحات
والبقر اشابه لي ضمة
ما عرفت الراحن والفايتات
لي حسن الحظ هي النقرتني
ما شالت شك من شافتني
ساقتني وقامت بالواجب هي اصيلة وراسية وست حوبات
نادت صاحباتا بنتعارف
نانسي وناندى وشيماء ولمياء ْ وحوراء وكفا
من وين! من لندن جينا امس راجعين باكر زي ها الحظات
من الطايف والمنشية ومدينة النيل وبنوت راقيات
طيبات طيبة وكل كليمة معاها ضحيكة
ونضاااف ورهااااف زي اللعبات
واحدتاٌ فيهن سمحة سماح لكن مي طاعمة
وانا زول مستغرب في حاجات
ان زول اسراني سماحتاً كاسيا
بنت البلد الهاديه وراسية وضميرا الحي التب مامات
وقالت لي
عرف نفسك بي عبارات
عرف نفسك بي عبارات
قتليها : انا الاسد الحرس غابتو الضريا
وانا الساعة الكتال بختف حديا
وانا الدايرني مابجيب لي هديا
وسارح مدرج ام هبج التخيه
مراتع اللبل الضان السعيه
وادرج عاصفة اللقدة السخيه
وادرج عاصفة اللقدة السخيه
الرجوع الى أعلى الصفحة اذهب الى الأسفل
https://mkabrabia.yoo7.com
عكرمة دياب
المشــــرف العــــــام
المشــــرف العــــــام
عكرمة دياب


عدد المساهمات : 606
تاريخ التسجيل : 27/05/2010
العمر : 36

الشاعر بشرى البطانة  Empty
مُساهمةموضوع: رد: الشاعر بشرى البطانة    الشاعر بشرى البطانة  I_icon_minitimeالأحد يناير 02, 2011 10:56 pm

سلامات ..


يالملكه ماك متزعمه
ياساريه فى الزمن النحل
ياضل على البلدات رمى
يالكادحه من أجل الوليد
شان راسو إصبح فى السما
ويالفوقا ماف غير الله شئ
وحتى الله زاتو معظما
والجنه أيه تصبح معاك
أرخص وأقل من مقدما
ودايساها بين كرعيك حبت
فى قاع مدايسك مرغمه
ويايمه شوق قطع حشاى
واوجعة الدمع الهما
إشتقتا لى مطر الخريف
وكتين حفايرو إحزما
وبهيمنا فر تال التبر
أماتو واردات الضما
كوعتا فوق العنقريب
بتشرف العيش اللتيب
والعفرا تتقاطا الرحل
منظر دواخلى يأزما
مرصوص متل عقد الكنار
منضوم على جيد السما
إتحكرتى فوق بنبر حطب
قهوة ضحا وجلسة لما
خيلانى وأعمامى الكبار
خالاتى والجد العمى
ونسه وصراحه وقرقراب
متفائله بالضل الرما
والتايا بت عوض الكريم
المالكا قلبى مقسما
منصره فى طرف الصعيف
نادتنى هيي أصبحتو كيف ؟؟
بيناتنا شاشاق الحطب
همساً دقاق مو همهمه
قالولكن
الليله أمى مكرمه
طرزتا ماراعيت كبير
عاد تايا كيف ؟؟ وإنشاالله خير!!
قاتلى شديده وإلا عيب
وسط الرجال بتناغما
وتب قبلت ماشفتا غير
كفلاً رطن كاجر الطريحه محشمه
إلا إمى واضيعة رجاك
من ولدك الطشطش عما
أنداح تبع زخم المدن
ضيّع بداوتو وحطما
وسلام من البلد السجم
سموها يمه العاصمه
ويايمه ولدك ضاع خلاص
تايه مبارى العولمه
ماياهو ضرغام الرجال
الكان قبيلتو معظما
وياحليلو روبك والسمن
ياحليل لذايذ الأطعمه
ضوّق لسانى طعم جديد
بيرغر .. وجامبو المفرمه
ومعدتى ذاتا إطوطوت
ما أظن عصيدتك تهضما
خدعتنى كندشة الوهم
حمام وريحه وهندمه
راجيانى فوق النار أقع ؟؟
وأنا هالشمس مابلزما !!
دايرانى فوق دلوكه أهز ؟؟
راجيانى أسل سيفى وأرز ؟؟
وألعب مع التوم ود حمد
صقريه درقه محكمه !!
وأنا داك بقيت سيد الرقيص
مرات قرد ..مرات كتيفتى أبرما
دايرانى بى سوط العنج
أركز مع السر وادما؟؟
إنفره سروالى البجر
أربط بتينتى وأحزما
شبال من التايا وأهز
طاقيتى شنقا وأقرما
وفوق ضهرى داداب العنج
وأصفاحى نازفات الدما
أيمه ولدك ضاع زمان
زمان
وحكايتو بقيت مؤلمه
باريت لؤى وقصى ومى
وين تانى كاكوم وادما !!
ضهرى الممسح بتلصف
راقد لحايفو منعمه
ما أظنو بتحمل لبع
والخرشه ماأظن بلزما
سروالى ماياهو القبيل
سديريتى جكه مجضمه
حاجات مجبصه كلها
وطاقيتى كاوبوى وإنما
والكاوى قلبى وشاوى شى
كان شفتى واحدى مقرضمه
لابسه البناطلين زينا
والله ماتفرزيها تب
كان فارده شنبه تبرما !!!
لكنو مهما الزول بعد
حكايتو القبيل مابهدما
جاييك وشايل بقجتى
جواها ورقه مختمه
أياهو حلمك وجبتو ليك
داك جمه ريقى من الظما
بتمنى من الله الكريم
إمد أيامك وإقدما
وتحجى فى كل عام إهل
وتعودى سالمه وغانمه
يايمه
وتعودى سالمه وغانمه
الرجوع الى أعلى الصفحة اذهب الى الأسفل
https://mkabrabia.yoo7.com
عباس خضر
عضو فعال
عضو فعال
عباس خضر


عدد المساهمات : 199
تاريخ التسجيل : 07/08/2010
العمر : 53

الشاعر بشرى البطانة  Empty
مُساهمةموضوع: رد: الشاعر بشرى البطانة    الشاعر بشرى البطانة  I_icon_minitimeالثلاثاء فبراير 01, 2011 3:25 pm

هذا هو الابداع ممتاز ممتازياودالراجل الفحل تسلم تسلم!
الرجوع الى أعلى الصفحة اذهب الى الأسفل
عكرمة دياب
المشــــرف العــــــام
المشــــرف العــــــام
عكرمة دياب


عدد المساهمات : 606
تاريخ التسجيل : 27/05/2010
العمر : 36

الشاعر بشرى البطانة  Empty
مُساهمةموضوع: رد: الشاعر بشرى البطانة    الشاعر بشرى البطانة  I_icon_minitimeالثلاثاء فبراير 01, 2011 7:30 pm

تسلم يا عباس واتمنى ان تعود ليعود معك كل الفن الجميل بمنتدانا من اشعار ودوبيت وفن حقيبة كل هذه اندثرت بغيابك اتمنى عودتك وابداعنا بمثل هذه الروائع
الرجوع الى أعلى الصفحة اذهب الى الأسفل
https://mkabrabia.yoo7.com
 
الشاعر بشرى البطانة
الرجوع الى أعلى الصفحة 
صفحة 1 من اصل 1
 مواضيع مماثلة
-
» قصيده ثوره الشك-الشاعر عبدالله الفيصل

صلاحيات هذا المنتدى:لاتستطيع الرد على المواضيع في هذا المنتدى
منتديات قرية المكابرابية :: المنتدى الثقافي :: قسم الفــن والتراث الشعبي-
انتقل الى: