منتديات قرية المكابرابية
***** مرحبا بكم في منتديات قرية المكابرابية *****
****حللتم أهــــــلا ونزلتـــــــم سهلا ****
إذا كنت زائرا نرجو تشريفنا بالتسجيل
الإدارة

منتديات قرية المكابرابية

منبر الأهل والأحباب
 
الرئيسيةاليوميةمكتبة الصورس .و .جبحـثالتسجيلالأعضاءدخول
جميل أن نتحرى الحق والأجمل ألا ندّعيه·***********************جميل الاحساس بالقومية والأجمل أن تجد لها صدى في سلوكياتنا·
جميل أن نطلع على ثقافات الآخر والأجمل أن يصبح لثقافتنا مقعد دائم بين الثقافات************** جميل أن نحب الحياة والأجمل ألا نتناسى الرحيل وأبدية الخلود!**************************جميل إحساس الصداقة والأجمل أن نحسن الاختيار·*******************************جميل أن نتقدم بالنصيحة للآخر والأجمل أن نقدمها لأنفسنا******************جميل أن تطلب مساعدة الآخر والأجمل أن تحقق لنفسك الكفاءة الذاتية
المواضيع الأخيرة
» نعـــى أليـــم
الخميس مارس 06, 2014 3:18 pm من طرف حنان العوض

» علمتنى مراره الابتلاء .............!!!!
الأحد سبتمبر 15, 2013 8:22 pm من طرف عمر مجذوب

» دخول المنتدي بذكري الحبيب محمد صلي الله عليه وسلم
الأحد سبتمبر 15, 2013 8:18 pm من طرف عمر مجذوب

» عبر عن شعورك فى هذه اللحظه
الجمعة مارس 29, 2013 8:33 pm من طرف عبدالله داقوي

» اليوم نرفع راية استقلالنا
الأربعاء مارس 20, 2013 3:21 pm من طرف حنان العوض

» ماهي المكابرابية؟
السبت فبراير 16, 2013 2:06 am من طرف عبدالله داقوي

» المكابرابيه(القلعه والتحتانية)
الخميس فبراير 14, 2013 2:27 am من طرف عبدالله داقوي

» المرأه في المحميه والمكابرابيه خاصه
الخميس ديسمبر 13, 2012 6:52 pm من طرف حنان العوض

» المحمية الماضي العريق والحاضر الغريق
السبت نوفمبر 24, 2012 3:46 pm من طرف كمال الزين


شاطر | 
 

 هوي يا وليد

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عكرمة دياب
المشــــرف العــــــام
المشــــرف العــــــام
avatar

عدد المساهمات : 606
تاريخ التسجيل : 27/05/2010
العمر : 30

مُساهمةموضوع: هوي يا وليد   الأحد يونيو 20, 2010 5:57 pm

للشاعر الرئع ( محمد بادي )




هوى يا وليد يا دلوعة يا مرنوعة
أعدل إيدك المفدوعةواتلحلح
واقيف دغرى وواس صدرك
مع صدرى واتشدّع

ليك الحق ..........!!!!
شان ولدوك فوق اسفنج
وحتى أول جديد سوهو ليك بالبنج
وهسع هوايتك إنك تلعب البنق بونق
وليك الحق عشان فطموك
بعد مازدتا فوق سنتين
وفى سن عشرة نومك كان على الليدين
غطاك بالشاش وفرشك بيحرير الصين
والبتدورو كلو بتلقى غاب قوسين
ابوك مليان وجيبو سمين وقلبو سمين
وفاتحلك حساب فى البنك والتأمين

وليك الحق...........!!!!!!!!!!
عشان ما خضتا فى وحل المطر والطين
ومن الترعة ما سويت شراب الهين
وما قيلتا فى ضل دومة بى فرعين
وما شاققتا عرق النيل مع الوزين

وليك الحق........!!!!!
عشان ادمنتا عيشة اللين
مشي الاسفلت ما جربتو بالكرعين
ركوب اللورى فى شمساً تصر العين
وما عانيت وقوف الصف وراء التموين
عشان يا انتى ما بتدرى سجل ابواتك البدرى

دحين اسمع .. أقيف واسمع
سماك الباكى مجدو الزال
يا ما كانوا تحتوا رجال
ابوخنجر وابوشوتال
والصقر البجيك خوجال
صوتن كان يمين جلجال
ومكسيين كمال وجلال
لكن الزمن اسرع
سيفن بلحس الفقره
وما كان برضو بالحقرة
وكانوا بضبحوا الشقره
وكانوا بضوقو العادوه نوم الكوع
وكانوا بموتوا فى شان حرمة المفزوع

الجعلى اب شرابا حار وقالوا بعدى يومو خنق
والشايقى البياكل النار وفوقو نحاسو متخنق
ودرفون البجا الصقار وحاقب سيفوا ياكل الشق
والغرباوى عينو شرار وكضب القالوا عندو عرق
والنيلى البعرفوا كتار على كتل الأسود جرّق
والبطحانى والشكرى وغيرهم من أهل فخرى
ومنهم أصلى لا بشبع ولا بقنع

هوى يا وليد
حصل جربتا كب السارية
فى القلعة وخلا العتمور
وشفتا بروقه تترقص وتتحرقص
تقول مطويه فى قرقور
وعاوى الزيفة ينفخ
فى جبال النقعة زى الصور
والحصحاص يجرفوا السيل
يكنسوا على مهاوى الخور
وقلب الصاقعة يتطرقش
يكب النار دمار وشرور
وشفتا الحال عرق مقلوع
جبل متروم فرع مكسور
جمال غرقانة بى حالا
وحد المويه فى الغرغور
ود ابن ادم المسكين
نجاتو تحت قرون التور
والعوتيب يجيك يجرى
يشيلك وانتى ما بتدرى
وما بيرفع

هوى يا وليد ...
حصل سادرتا بالديداب
وقدامك مراحك وراكب الخباب
ودربك طولوا يملا العين
سحاب وغبار ومويتو سراب
وهوى كرباجك البكاى
يبكى على ضهور الضمر الانجاب
وتسرى الليل وما تضوق هجدة
لو كان النجم ما غاب
وبعد أيام تجيك لفته
ويلوحلك فى البوادى سحاب
وتكرف من دعاش العينة تملا رئاك
عطر وأطياب
تلقى الوادى خضر زى تقول
ماكان خراب ويباب
وبت ام ساق تقييل من ضحاها
على المعالى ونسمة الهباب
وتفرش ليك حزمة نال تحت
سيالة تريانة فروعها قراب
وتنفخ كل آهاتك مع المزمار
تصوغ الحان ملانة شباب
وتنسي الدنيا كل الدنيا
ماعندك معاها حساب
خلاف برقا يشيل حرقاص
أو رعدا تقول رصاص وكت فركع

هوى يا وليد ...
حصل صحاك عز الهجعة
صوت شتماً بعيد مخنوق
وجاتك شخرة الطنبارى
مشتاقاً يسوى القوق
ونومك طار واتقسم
والرشرش صبح مفروق
واتلفحت نص من توبك الجرجار
على الدلوكة سايق سوق
وتلقى هناك بنات بلدك ولاد بلدك
يعلو الصفقة تقدح فى القلوب الشوق
ونغم الفال ابشرن يا بنات بالخير
والجنيات تطير لا فوق
وكم زغرودة تتفجر
تفور بالناس بعد ما تروق
يعوم الوز صدورو تشابى
للمجهول وما بتضوق
تميل زينوبة زى البان
يمين وشمال تودى الطوق
واخوان ام شلخ ينكبو جوه الداره
زى صقرا نزل من فوق
ضرب الصوت والركزة بيفرق الناس
عشان زينوبة ما بتحوق
وعاد تتحزم الجنيات
وتتنظم تقيف في روق
وكل واحد يهز ضرعاتو
والحجبات تزح لافوق
جفير الخوسة فايت الكوع
وسيرو مع العضل مطبوق
والطاقية تحت الحاجب المعقود
هدية أم زين وما مشرية من السوق
ويتقدم عريس السمحة رافع صوتو
كان بسوقوا بيهو النوق
والعنجاوى ينزل فوق ضهورن
بس تقول منشحطة فيهو بروق
يبدا مجرو بالترقوة ويتحدر
مع الضلع القصار ملصوق
واحمر عين يشم الدم بعد ما يرش بنات
عمو ويزيدن شوق
وثابت حيطة لا بتهز ولا بتلز
وصارى جبينو كلو عروق
وقال بعد العقد طلقانة ما يحجزوهو
إلا يخلو ضهروا شقوق
هناك الحال مغير جد
وهيجة الناس تفوت الحد
وكان حجازو مد الليد بتسمع كع

التوقيع:
يــــا أمي يا بنت المجذوب .........يالملكة ماك متزعمة

ياسارية في الزمن المحل .......ياضل على البلدات رمى
الرجوع الى أعلى الصفحة اذهب الى الأسفل
http://mkabrabia.yoo7.com
هادي الحسين
عضو نشط
عضو نشط


عدد المساهمات : 111
تاريخ التسجيل : 10/06/2010
العمر : 29

مُساهمةموضوع: رد: هوي يا وليد   الأحد يونيو 27, 2010 1:09 pm

ابدااااااااااااااااع

بهذه العبارة أختصر قولي فقط على قصيدة
الشاعر الرائع (( محمد بادي )) شكرا ياعكرمة
الرجوع الى أعلى الصفحة اذهب الى الأسفل
عكرمة دياب
المشــــرف العــــــام
المشــــرف العــــــام
avatar

عدد المساهمات : 606
تاريخ التسجيل : 27/05/2010
العمر : 30

مُساهمةموضوع: رد: هوي يا وليد   الإثنين يونيو 28, 2010 1:42 am

شكرا على المرور والمشاركة يا صقر الجديان (هادي)

التوقيع:
يــــا أمي يا بنت المجذوب .........يالملكة ماك متزعمة

ياسارية في الزمن المحل .......ياضل على البلدات رمى
الرجوع الى أعلى الصفحة اذهب الى الأسفل
http://mkabrabia.yoo7.com
عباس خضر
عضو فعال
عضو فعال
avatar

عدد المساهمات : 199
تاريخ التسجيل : 07/08/2010
العمر : 47

مُساهمةموضوع: رد: هوي يا وليد   الجمعة أكتوبر 29, 2010 11:06 pm

الحول بى زول !!!
يجيك الحول وحول بى زول
والزول غوول!
ونحن تعابة غلابة؟
لازرعاولامحصول
يافقاسة مامعقول
ياقشارة مامعقول
عليك عزرينك المبهول
تضربى الجملة بالميت
قداحة فوول...
وعيشة تقول ضنيب ام سيسى
عرررض وطووول
وجاز اللمبة والكهربافى غلبة
وحق الفطورللطلبة
ولوماالروح بقت سلبة نمص الصلصة
من علبة وكانت جاتنافى الرقبة
ده كلوكوم وام العيال كوم
الولية الفنجرية حلاوة نبق
الولية الغجرية العنجهية وعايزة دق
البطن منفوخة ديمة طبق طبق
شايله فوق الصفحة سوسو
وااحد الله الله وااحد
باليمين مقيودة سيسى
مالوتانى..
واب شنيب شايل امانى
تلاتة بركة
كل حركة معاهابركة
مرة تديناالهوادة
وترمى زى زولين زيادة
ياحكم صفرده فاول
جابتم بت الذين
وعايزة تعميرالقبايل
واب شنيب يلحس الكوع
رغم انفو حتف انفو..
حتى وان كان مقاول
يا..ياااماشبع فى البهادل
وياااامايشبع فى المهازل
د.محمدبادي
الرجوع الى أعلى الصفحة اذهب الى الأسفل
عمر مجذوب
المديــــر العــــــام
المديــــر العــــــام
avatar

عدد المساهمات : 769
تاريخ التسجيل : 02/06/2010
العمر : 41

مُساهمةموضوع: رد: هوي يا وليد   الأحد أكتوبر 31, 2010 4:25 pm

ياسلام على الشاعر الدكتور ود بادى

ياريت تواصلو فى الكتابه عن شعرو

وتكتبوا لينا كمان قصيده بت الخير يجيك الخير وصل جوابك الكاتباه للولد الحتالى
الرجوع الى أعلى الصفحة اذهب الى الأسفل
عباس خضر
عضو فعال
عضو فعال
avatar

عدد المساهمات : 199
تاريخ التسجيل : 07/08/2010
العمر : 47

مُساهمةموضوع: رد: هوي يا وليد   الأحد أكتوبر 31, 2010 4:40 pm

نحن عارفين الله اعظم
والرزق بنزل مقسم
للبجاهدوالمعسم
وعارفين الله..
ماشقالوحنكاضيعوا
وماسوالوطفلا..
ماسقاهوورضعو
الاافهموياجماعة
الولادة خشم بيوت
والرباية خشم بيوت
والمعايش ماها توت
والعذب اخيريموت
الولدان قام مبرجل
شن بسوى
لاببهرج لابضوى
زى كليب مرضان يعوى
يصبح المصران مهوى
ويمسى والمصران مهوى
الولدكان يربى قوى
عملة استرلينى سايرة
يبقى صاروخ ارضى جوى
والنجاح مومن كتير
والكتيرالبشبه الوزين يطير
والبطير من ارض جاعت كان اخير
دايراجيكم بى بشارة
وقولوخير...
ربنايخلى الخواجة
اصلوماتقيف قدامنا حاجة
الابرطن فيهاحاجة..
ياخلق ياعقل صبة
تلحسوا الرزبالمربة.؟
ودبااااادى
الرجوع الى أعلى الصفحة اذهب الى الأسفل
عمر مجذوب
المديــــر العــــــام
المديــــر العــــــام
avatar

عدد المساهمات : 769
تاريخ التسجيل : 02/06/2010
العمر : 41

مُساهمةموضوع: رد: هوي يا وليد   الأحد أكتوبر 31, 2010 7:47 pm

ودبادى رااائع
الرجوع الى أعلى الصفحة اذهب الى الأسفل
 
هوي يا وليد
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات قرية المكابرابية :: المنتدى الثقافي :: قسم الفــن والتراث الشعبي-
انتقل الى: