وغرقت جمرة ورحلت المكابرابية

كنت قد كتبت هذا الموضوع فى منتدى الحتانة بتاريخ 23/ مارس 2009 بعنوان
( وغرقت جمرة ورحلت المكابرابية )
وأعدته بتاريخ 31/مايو/2010
احببت نقله فى المنتدى لوثيق صلته بالمنطقة عموما ولتشاركونى امانة حفظ هذا التراث ولتنقبوا معى عن مثله :
غرقت المكابرابية بعد حريق جمرة فتفرق الناس بعد أن كانوا جيران منهم من رحل إلى الضياباب ومنهم من رحل إلى العوضاب ومنهم من رحل إلى الحتانة ومنهم من تفرقت بهم السبل فى المدن الواسعة فحفظت لنا ذاكرة أهلنا بعض الأشعار التى تصف الحال:
قالت آمنة بت عبد الله والدة نعمة محمد زين وقد كانت جارة لبنات البشير ( حبوباتى ) رحلت هى للضياباب وهم للحتانة بسبب الفيضان :
ياحليل بنات حنى المابيعابنى
ياحليل بنات حنى الأبعدن منى
ياحليل بنات الخير الأبعدن بلحيل
نفبسة أم البشير ورابحة أم اللمين
بجيهن مارقة الليل
ياحليل أم البشير
رابحة دى السلطانة الموجعنى ديوانا
ياحليلا فى بكانا
ودوهاالحتانة
ياحليل بنات حنى الأبعدن منى
يحليلا بت العار أم عرضاً مو بطال
فى بيتا ساترة الحال
ياحليلا بت العار
وحكت لى حبوبتى خديجة بت عثمان من أشعار صفيه بت عاشة بت الفكى مهدى زوجة سليمان ود حاج حامد تصور فيضان 1946 وماأحدثه من خراب بلغة ذلك الزمن قالت صفية :
بنونة حرجانة موجعاها التكانة هى وإخوانها
بت حليتى تقول ياويكتى أم سرور العرض والطول ماضوقت زول
ود الفادنى يصيح مانى مستريح ياعيشى النصيح فى الموجات بطيح
عثمان يسوق والكركير مريوق طمح البحر لافوق قلع الفاشوق
دينابك يا مدينة ده الضلو ضل جنينة نارو طالقة فينا
نسيبتك يالجديةأحمتنى الوطية عاشة خالتاً لى
قالت أجرن لى مين بترسو لى سيدو فىالودى
المجموع تحوم قالت ماكلانى السموم مين بترسو اليوم سيدو فى الخرطوم
وقالت تحكى عن صداقتها مع حبوبتنا الجدية بت عثمانرحمهم الله جميعا وقد فرق بينهم النزوح بسبب الفيضان :

ردوا السلام للرفيقةقولولها عيني مستشيقة ولى دريبك مالقيت طريقة
ردوا السلام للجدية قولولهاقالت لك صفيه ياحليل صحبتنا القوية
ردوا السلام لى حبوبة قولولها ياحليللماتنا دوبا
ردوا السلام لى أخواتنا ولى بت خادم الله فاطنة
قولولهاياحليل لماتنا

رحم الله صفيه ورحم الله حبوبتنا الجدية وجميع أمواتنا وحفظ الله حبوبتنا خديجة كما حفظت لنا هذا التراث

ومن الحتانة سلاااااااااااااااااااااااااام

رااااااااااااااااااااااااااااااااااااااااائع حقيقة استعمتعت وانا اقرا هذا الكلام وتخيلت كل ما حدث وجميل حفظ مثل هذا التوثيق والله ناس زمان ديل كانوا بسيطين وحنونين جدا وانت ياعبده مبدع دوما في التوثيق فجميل شجرة النسب التي جمعتها لأهلنا المسلماب فلم تترك صغيرة إلا وسردتها حتى عندنا اولاد خالتنا صغار لقيتهم في الكتاب أولاد أزهري محمد الامين الياس ولكن هناك بعض الأخطاء والتي لا تنقص من حجم العمل وانما هي للتعديل
سأنزل الكتاب واذكرها لك بالصفحة ليسهل عليك

وشكرا

مشكور أخانا عكرمة وأنا أنتظر التصويبات حتى نلحقها بالنسخة الإلكترونية التى ستنزل بعد العيد مع إضافة كل المواليد الجدد التى حدثت بعد طباعة الكتاب

ومن الحتانة سلااااااااااااااااااااااااااااااااااام

الاخ محمد احمد متعك الله بالعافية اخي /

اقر وبكل اسف اننا نحن السبب في اختفاء كثيرا من المعلومات عنا فيما يخص

حياة جدودنا عامة بجزيرة جمرة فقد كان بين ظهرانينا الكثيرون منهم علي قيد الحياة ولكننا لم نوثق لهم ولم نحرص علي تدوين الكثير منهم وعنهم وعندما

استشعرنا اهمية ذلك كان الاوان قد فات الا من القليل الذى يحفظ من الحبوبات

كاعجاب بملكتهن الذهنية تارة واخرى بما يكنونه من حب وتقدير لبعضهم البعض

ولكني الله اسأله الا نكون فقدنا كل شيء من اثرهم .

الاخ المسلمابى استاذنك فى نشر موضوعك هذا فى جريده المكابرابيه بعد عيد الفطر انشاء الله
لانو موضوع يستاهل وجدير بالنشر

الاخ المسلمابي تشكر علي التوثيق
والله لاول مره اعرف المعلومه دي
لكن بنات البشير رابحه وكل هذه الاسماء التي ذكرت سمعت عنها عند اهالينا الكبار بس ما كنت اعرف العلاقه والانتماء

اما التعديل في الكتيب انا فاكراه جدا وكان رسلت ليك في منتديات المحميه وهو
اولاد ازهري محمد الامين الياس واعتقد ص35 في الكتيب
محمد ومجاهد اولاد منال محمد مجذوب
متوفيه رحمها الله تعالي والبقيه انت ذاكر اسماهم والدتهم الشايقيه
وعندك اولاد دار السلام مجذوب عماري
امجد وايمن الاولاد والبنات صابرين وملاذ وزينب والدهم محمد محمد الامين ابو الحسن
بس دي الاخطأ التي لاحظتها

تشكرى حنان على الأفادة وقد صوبت فى نسختى وسوف أرفع المصوب قريبا بس ماعارف أنتى نسيتى حسين فى أولاد دار السلام وإلا أنا كنت كاتب بدل زينب حسين وقد أضفت ملاذ لانها ماموجودة فى نسختى

وياود مجذوب إذنك معاك ومشكور
ومشكور ود حديد ألحق الباقى لسة فى كتير

[quote="عبده محمد أحمد المسلمابى"]
تشكرى حنان على الأفادة وقد صوبت فى نسختى وسوف أرفع المصوب قريبا بس ماعارف أنتى نسيتى حسين فى أولاد دار السلام وإلا أنا كنت كاتب بدل زينب حسين وقد أضفت ملاذ لانها ماموجودة فى نسختى

يامسلمابى الحسين ده مافي شكلك كاتبه بدل زينب
اصلها مسميه على زينب بت الحسين فالبعض يناديها بت الحسين تكون اخذت الاسم من هنا والله اعلم

ارجع لينا لموضوع جمره نحن في انتظار المزيد
مع الشكر والاحترام

شكرا يا حنان فقد كتبتي ما كنت اريد توضيحة وشكرا يا مسلمابي ووينك فاقدنك ياخ

معلومات جديدة تماما .. موضوع موفق ..الشكر أجزله لك الأخ المسلمابى

اين انت يالمسلمابى ؟؟؟؟؟؟؟؟؟؟؟؟؟؟؟؟؟؟؟؟؟؟

فى انتظار ان تتحفنا بالمزيد

» المكابرابية على الأنترنت
» ماهي المكابرابية؟
» ابناء المكابرابية يجودون بدمائهم
» محطة مياه المكابرابية الجديدة