من من بناتنا تبحث في هذا الموضوع

بناتنا العفيفات حفظكن الله .

من خلال مشاهدتي للشارع السوداني والمرأة بالذات رايت ما اثلج صدري

وذلك لرجوع بناتنا لملابس الماض اي ما كان يلبس في عهد امهاتنا والحبوبات ومثال لذلك

القرمصيص وهو مايلبس حاليا كثوب سوداني ذو اللونين الكبدي والذهبي وكذلك لبس الحجول وماشابهه

لذا فهذا موضوع جاهز فمن منكن تنبريء للكتابة عن هذا الموضوع بالتفصيل؟ ولها ان تسأل امهاتها واخواتها

الاكبر سنا . عشان تعرفن ان حبوباتنا ايضا كن ذوات ذوق راقي ونبيل ......

أعتقد ان بداية إرتداء الثوب السوداني الذي يعتبر الزي القومي والملمح السوداني التقليدي والمميز للمرأة السودانية، بدأ منذالحضارة البجراوية أي قبل أكثر من عشرة الف سنه تقريباً وبالتالي هو قديم قدم حضارة السودان فقد كان زياً قومياًخاصاً بالملكات وكانت له تصاميم ورسومات خاصة وخامات مميزة وزخارف ونقوش وكنارات متعددة وهو مايعرف بالمورد أو المطرز الآن ويقال بأن الملكة (الكنداكة)تعتبر أول من لبست الثوب السوداني، وكما للثوب اشكال وألوان مختلفة ايضا ًله أسماء مختلفة فمن مسمياته الزراق ربما للونه الازرق والبنغالي نسبة الى بنغلاديش والطرقة والجاكار ،وأبو قجيجة،وضلع الدكاترة،ورسالة لندن ، وكبري شمبات والامير ومعبود الجماهيروغيرها من الاسماء وكلا له ثمنه وقيمته



ولقدعرفت المرأه من قديم الزمان بإحترامها لدينها وتقاليدهاوموروثاتهاسواء كان ذلك قى سلوكها الادبى او مظهرها

الخارجى وهذا المظهر الخارجى يمثله الثوب السودانى فى اغلب الاحيان والذى اصبح(عالمياً) مرتبط بالمراه السودانيه

وهذا التوب الذى يعتبر مظهر من مظاهر الحشمه والادب والجمال فى نفس الوقت صار مصدر إلهام لكثير من الشعراءوكثير من الاغانى القديم منها والحديث،، فمن هذه الاشعار والاغانى على لسان المرأه

جابلى فركى دمور التجار......وجابلى توب اسمو الحمام طار

جابلى جلابيى جورجى........وجابلى توب اسمو تبنقلى

ويقول عنه الشاعر كدكى فى صوره جماليه رائعه:

عقلى يتوه مع نوره لما تكمل الرقصه

وتقلب توبها فوق راسها وتقول كدى تجرى تندسه



وماقالته الشاعره المرهفه/سعديه عبد السلام عن توبنا السودانى يكفينا وتلك مقاطع منه



وكثير وكثير من الاغنيات والاشعار التى تمجد التوب السودانى وتعتبره جزء من التراث والاصاله

هل مازال يؤدى وظيفته كمصدر من مصادر الحشمه والادب؟؟؟؟؟

بطرح سؤالى ده ليكم ياناس المنتدى؟؟؟

· ايضاًمن العادات التى ظهرت فى الشارع السودانى الاساور التى كانت قديما موجوده وظهرت الىن ومنتشره كثيرا وتعتبر من ارقى الموضات

· نجد ايضً الحجل او الخلخال هذه الموضه التي تعيد نفسها من زمن الحبوبات الي هذا الزمن فقط مع التجديد
عندنا في السودان يطلق عليه اسم الحجل وكان لبس الحجل في القديم دليل علي الجمال والحيويه وفي الزمان كان من اهم العادات لدي العروس وبالاخص من قبل العريس لازم يجيب الحجل تقديرا للعروس ويكون من الذهب او الفضه علي حسب مقدرة العريس الماديه
وعند البنت السودانيه كان مهم جدا ويعتبر اهم شئ وتكمله لزينة البنت وحتي لو كانت تلبس كميه من الذهب فلابد من لبس الحجل
ولم يكن عيب او فيه خجل ولاحتي مجرد كلام فكانت البنت التي تلبس الحجل تكون في قمة جمالها وخاصة عند سماع رنة الحجل ويقال ان للحجل رنه جميله كدقة الموسيقه
تغني بعض شعراء الحقيبه فقالو
ام حجلا اربعين وزنه
تقيل في كراعك ياالخزنه
مشيكي القلد المزنه
حجلك والله عجزنا
وقالو
الحجل في الرجل ياحبيبي سوقني معاك





· وبرضو من عادات زمان الزمام وهو حليه من حلى النساء من التراث الشعبى القديم، وهو حلقه توضع بغحدى فتحتى الانف الغرض منه الزينه عند النساء والأن رجع ونرى البنات يتزينن به فى المناسبات بالاخص.

· ورجع كذلك المشاط ويتم المشاط في جلسة اقرب الى جلسات الونسة ويتخلل ذلك فناجين القهوة والشاي وحديث ذو شجون وتعمل به الرصانه وهى وهي ما يشبك مع الشعر من تمائم ... وانواع من الودع والسكسك والرمايات.

سلمت يداك يابنت الخال والاخت والخالة فزورة كبيرة .

احسنت والله وافدتي لك الشكر والتقدير .

والله جزاك الله خيرا

الكلام دا من راسك ولا من كراسك

ولسه فى باقى ازياء زى ما قال ود حديد

اتحدثى لينا عنها

السلام عليكم أهلى وأحبتى وعشيرتى أرجو أن تقبلونى عضوا جديدا فى منتداكم العامر بكم

مرحب بيك بين اهلك وعشيرتك كعضو نشط بيننا

مرحبا بك فى منتدى المكابرابيه وحبابك عشره ورد الله غربتك سالما غانما انشاءالله

ياعمر دياسبرا ؟؟؟
هنا بتقول رد الله غربتك سالما غانما
وفي بوست اخر بتقول ساره
شنو القصه ولا الاولي لغه دناقله وكده
نحن نتعامل معه او معها كعضو/ ه في منتدي المكابرابيه فقط دياسبرا
ومرحب بك دياسبرا

ساره ادريس حسن احمد دياب احمد دياب
على ما ظن بمملكه البحرين منتدبه من وزاره الخارجيه

مرحبا بها في منتداها

تسلمى يا حنان العوض وخلينا متواصلين...

ياحنان سارة هى مثلكن انتن بناتنا بنات الجيل الصاعد المتسلح بالعلم والفضيلة المتمسك بارثنا وعاداتنا وقيمناالنبيلة المتوثب الى العلياء وهى بالجدبجانب علمهاوفهمهاانسانة راقية ورائعة ومتواضعة لابعدالحدودوحبوبة واصيلة وبت بلدتعارفواكلكم عليهاوانا كلى ثقة انكم ستحبونها؟وبالمناسبة ياعمرزوج سارة ابن عمنازيدابى وهودكتور قمرالانبياءقابلته فى الاجازة الفائتة وهو راجل حبوب ارجو التعرف عليه واستقطابه للمنتدى فهوابن عم ومناوفينا؟وبسارة المنتدى كسب عضوكبيرنتمنى المزيدو همت الشباب لنهضة أمة وشباب وشابات زى الورد!!!مع الود.

مرحب بيك مره اخري ساره وفعلا مكسب لعضو ذهبي في المنتدي
هيا معنا لنرفع رايه المكابرابيه والمحميه كلها الي اعلي القمم

بعرف قمر الانبيا واتلاقينا كتير ياعباس
وفعلا زول راقى وابن عمنا (وكان ماكدا كان يتزوج بت ادريس ود حسن ود احمد ودياب )

اما ياحنان وساره انتو اتقابلتو كتير جدا وانا متاكد بس ما بتعرفو بعض

لا والله ياعمر انا لو زول قابلتو مره واحده بيرسخ في ذاكرتي ولو علاقتي به ضعيفه اما ساره اصلا لم التقي بها وباذن عند رجوعها بالسلامه نلتقي

إنشالله الأيام القادمات تهيئ لينا فرصة واسعة للقاء وفعلا ما أظن إتلاقينا غايتو أنا اخر لمة اهل حضرتها كانت عرسك يا عمر وتانى زاتو الأعراس وقفت الحاصل شنو..

الحكاية شنو بقيتو يكنبوا اي حاجة وفي اي مكان . هنا في موضوع وعائزين المشاركة فيه .

التنيسق يا ادارة !!!!!!!!!!!!!!!!.

الاخ ود حديد
السلام عليك ورحمه الله
غيابك طال شغلت البال
وحقيقه التمسنا لك الف عذر فى غيابك ولكن انت حكيمنا وحكيم المنتدى ونحتاجك بشده فى المنتدى
يمكن بعض الناس بتنداح فى الكتابه وتختلط عليها المواضيع ويردوا فى مكان غير مناسب او يحولوا الموضوع ولكن دائما ذلك يحدث تلقائى
ولكن هذا لا يعنى ان تتلخبط المواضيع ويجد القارى نفسه مشتت فى اكثر من موضوع
ننبه الاخ عكرمه المشرف العام
والاخت حنان مشرفه الاعضاء ترتيب مثل هذه الامور
وشكرا ود حديد
وماتنقطع

ونرجع لموضوعنا عن اللبس والعادات القديمه عند النساء

انا فى رائى انو فى فتره سابقه كان اللبس غير محتشم ايام القرباب والقرباب هذا قطعه صغيره يغطون بها العروس اضافه الى عادات كثيره سئيه
الان بقى فى ثقافه دينيه عند الشابات يعنى ما ممكن زوله الليله تلبس قرباب
اما ثقافه التوب دى ثابته وما ممكن تتغير عندنا فى السودان

ياود حديد الحمدلله علي السلامه
وساحاول ان اجد مثل هذه المواضيع لافيدكم واستفيد منها قبلكم
ومرحب برجوعك ياخال

افيدونا يا اخواتنا وطلب ود حديد منكم الافاده والكتابه فى هذا الموضوع